Foto: Kendall Jenner/ Getty

Po, është zyrtare: grimimi i viteve ’80 është rikthyer dhe këtë herë është më maksimalist se kurrë më parë. Harro minimalizmin e vajzës "clean girl" me lëkurë nude dhe grim të padukshëm; këtë sezon, qendra e vëmendjes është për vajzat që guxojnë. Dhe e themi me plot gojën: nuk ka qenë kurrë më fantastike.

Siç duket, dekada që solli në botë supet e fryra dhe llakun e flokëve ultra fiksues, po rikthehet fuqishëm në rutinën tonë të bukurisë. Frymëzimi? Yjet e pop-it dhe supermodelet e atëhershme që nuk kursenin asgjë kur vinte puna te furçat e grimit.

Parimi ishte i qartë asokohe: më shumë është më mirë. Nëse faqet e tua nuk dukeshin si llamba të ndezura dhe buzët nuk binin në sy që nga fundi i korridorit, a ia kishe vërtet idenë modës?

Sigurisht, rikthimi i këtij trendi vjen me një përditësim modern: kremërat zëvendësojnë pudrat e pluhurosura dhe lapsat e syve janë më rezistentë.

Ja disa nga tendencat e rikthyera që do fillosh t’i shohësh gjithandej:

Vetullat e holla 

Thuaji lamtumirë vetullave të trasha të laminuara; tani trendi po kthehet te format më të holla dhe më të strukturuara, si në vitet ’80. Fillo duke mbushur pjesën e pasme të vetullës dhe evito pamjen shumë të ngjeshur në fillim të saj.

Blush deri te tëmthat

Blushi nuk vendoset më vetëm në mollëzat e faqeve; tani ngjitet lart drejt tëmthave për një efekt “lifting”. Ngjyrat? Nga rozë qershie deri te më të ndezurat, gjithçka lejohet.

Eyeshadow që tërheq vëmendje

Mjafton një shtresë në qepallë dhe ke bërë namin.

Rimeli neon

Mos harro qerpikët! Rimeli në ngjyra si vjollcë apo blu elektrike është arma sekrete për një pamje që nuk kërkon shumë punë, por ka shuuumë ndikim.

Buzëkuq *i zjarrtë*

Buzët e kuqe klasike janë rikthyer. Formula? Kremoze dhe absolutisht e parezistueshme.

_{Burimi: Bustle}