Stili i viteve ’90 po dominon sërish trendet, nga fustanet minimaliste pa mëngë, te xhinset me prerje të drejtë. Por nëse ka një elemënr që përmbledh më së miri finesën e përmbajtur të kësaj epoke, ato janë sandalet me rripa të hollë. Këto sandale lënë këmbën pothuajse të zbuluar dhe pikërisht për këtë arsye reflektojnë një elegancë të natyrshme.
Çfarë i bën kaq të dashura për ne
Janë balanca perfekte mes thjeshtësisë dhe sensualitetit.
Nuk është rastësi që stilistë dhe marka të njohura, nga estetika minimale e The Row, te versionet më të përballueshme nga Zara apo H&M, kanë sjellë në treg pafund variacione të tyre: me taka të ulëta, mesatare apo të larta, në lëkurë të zezë klasike, nuanca pastel, metalike apo lëkurë me shkëlqim. Çfarë i bashkon të gjitha? Rripat e hollë, thuajse të padukshëm.
Si të kombinohen?
Mund të vishen me gjithçka dhe në çdo moment të ditës.
Në mëngjes, në ngjyrë nude ose të zezë, duken perfekte me xhinse dhe një bluzë të thjeshtë me jakë rrumbullake. Ndërsa në mbrëmje zgjidhni një model me shkëlqim, në një ngjyrë të fortë dhe kombinojeni me një fustan saten dhe një çantë të vogël.
Më poshtë gjeni të preferuarat tona për këtë sezon:
