Selvija flet për ndarjen nga Shpat Kasapi: “Përpiqemi që askush të mos lëndohet”

Shpat Kasapi & Selvije Jao

Selvije Jao, ish-bashkëshortja e Shpat Kasapit, ka folur publikisht për ndarjen e tyre, e nxitur nga komentet e shumta, të cilat, sipas saj, e kanë kaluar çdo kufi të tolerueshëm. Selvija e bëri të qartë se sado e dhimbshme të tingëllojë, ajo dhe Shpati nuk do të jenë më çift dhe se ky është vendimi më i mirë për të dy.

“Nuk kam folur asnjëherë publikisht për ndarjen me Shpatin, por e shoh që njerëzit kanë kaluar çdo kufi që unë mund të toleroj. Unë dhe Shpati jemi të darë prej më shumë se 6 muajsh. Çdo gjë që bëjmë është vetëm për Roelin (djalin e tyre), dhe mirëqenien e një engjëlli që në këtë mes nuk ka asnjë faj”.

Ajo shtoi se Shpatin e respekton në maksimum, sepse kanë ndarë bukën, si dhe kanë fëmojë.

“Shpatin e respektoj në maksimum dhe për mua, ai do të mbetet njeriu më i afërt në jetën time, sepse kemi ndarë një copë bukë dhe kemi një fëmijë bashkë. Jemi shokë të mirë dhe përpiqemi që askush të mos lëndohet”.

Më tej, ajo bëri me dije se njerëzit i kanë kaluar caqet dhe se çdo cenim i privatësisë do të ndiqet në mënyrë ligjore.

Selvija u shpreh edhe se nuk dihet as 0.1% për arsyen pse ata nuk janë më bashkë dhe o uroi suksese Shpatit për këngën e re, e cila mund të jetë një dedikim për të.

Selvija dhe Shpati u martuan në qershor të vitit 2021 në një dasmë që u zhvillua në privatësi. Ata u përfolën për ndarje në maj të këtij viti dhe më vonë, të dy i konfirmuan zërat për divorc.