Dua Lipa është prej kohësh një nga figurat më frymëzuese për trendet e bukurisë dhe thonjtë. Nga dizajnet e kuqe te manikyrët me pika, stili i saj minimalist ka shërbyer vazhdimisht si referencë për tendencat e momentit.
Thonjtë e saj të fundit nuk bëjnë përjashtim. Elegantë, me nuanca argjendi dhe detaje qiellore, ky dizajn, i quajtur “thonjtë e natës me yje”, përçon shumë shkëlqim dhe sofistikim, perfekt për atmosferën festive të fundvitit.
Manikyri me yje i Dua Lipës u vu re për herë të parë në një foto të publikuar për të promovuar klubin e saj të librit. Edhe pse libri ishte fokusi kryesor i postimit, thonjtë e saj tërhoqën po aq vëmendje.
Thonjtë e gjatë në formë bajameje janë lyer me një nuancë të butë dhe të çelët, ndërsa secili thua është zbukuruar me yje të vegjël argjendi. Nga afër, manikyri duket i freskët, modern dhe i rafinuar, pa shkëlqim të tepruar apo elemente të ekzagjeruara.
Edhe pse është ideal për natën e Vitit të Ri, ky manikyr mbetet elegant dhe i përshtatshëm edhe për t’u mbajtur gjatë gjithë dimrit, duke u kthyer në një zgjedhje të sigurt për at që preferojnë një stil të pastër, por me karakter.
-
-
Modelin e ri të flokëve të Hailey-it do ta duam të gjitha në vitin 2026
16 Dhjetor, 09:38 -
-
-
-
