Foto: @overglowedit, @m.o.n.a.j/ Instagram

Një palë geta të zeza, të holla dhe elegante, mund të ngrejnë menjëherë nivelin e çdo veshjeje dimërore, ndaj pse të mos e aplikosh të njëjtin koncept edhe në thonjtë e tu? Thonjtë si geta të holla transparente po bëhen trend, dhe nëse je gjithmonë në dilemë mes thonjve neutralë, misteriozë apo të guximshëm, ky është kombinimi perfekt i të gjithave.

Siç e tregon edhe emri, ky stil imiton efektin e getave të tejdukshme. Ngjyra e butë lejon që shtresa natyrale e thoit të dallohet lehtë, njësoj si lëkura që shihet përmes najlonit delikat. Dhe ndërsa realizimi i tyre mund të jetë i thjeshtë, mund të luash me shumë stile, dizajne dhe transparenca.

Ky stil po bëhet trend sepse përkon me momentin, njerëzit duan diçka chic, minimale, por me qëndrim. Është modern, i përdorshëm dhe pak misterioz.

Si ta realizosh manikyrin vetë

Për një pamje kaq të sofistikuar, ky manikyr është në mënyrë befasuese i lehtë për t’u bërë vetë. Sekreti qëndron te baza e tejdukshme.

Gjithçka nis me një bazë të zezë transparente. Mjafton të përziesh një pikë të vogël manikyri të zi me një manikyr të tejdukshëm ose bazë mbrojtëse. Në varësi të thellësisë që dëshiron, ndrysho raportin e përzierjes.

Pasi baza të jetë tharë, mund të përdorësh manikyr të zi të plotë dhe një furçë të hollë ose mjet për pika, për të krijuar efektet që të kujtojnë getat e preferuara: pika vintage, rrjeta, motive me tantellë apo linja të holla që imitojnë qepjet e pasme. Kur të jesh e kënaqur me dizajnin, mbylle me një shtresë shkëlqyesi.

Çfarë forme thonjsh i shkon më shumë këtij trendi?

Ky manikyr funksionon me çdo gjatësi dhe formë thonjsh, por te thonjtë e shkurtër katrorë të butë ose në formë bajame të mesme duket i përkryer. Nëse dëshiron elegancë dhe hapësirë për dizajne më të ndërlikuara, thonjtë më të gjatë janë zgjedhja e duhur. Por edhe në gjatësinë natyrale, efekti i getave shton intrigë dhe finesë pa qenë aspak i ekzagjeruar.

Ide për frymëzim: