Thuhet se gjërat mes çiftit Bieber nuk janë aspak mirë: “Justin acarohet direkt”

Burime të afërta kanë folur mbi atë që po ndodh në të vërtetë mes Hailey dhe Justin Bieber, sidomos pasi Hailey u pa pa unazë (për hir të së vërtetës, e vendosi sërish më vonë!).

Sipas një burimi për Entertainment Tonight, çifti po përballet me vështirësi në martesën e tyre dhe Justin është ndjerë i "irrituar" nga Hailey.

“Justin acarohet direkt dhe ndjen se Hailey mund të jetë sipërfaqësore kur bëhet fjalë për mënyrën si duket marrëdhënia e tyre në publik”, u shpreh burimi.

Ndërkohë, “mungesa e motivimit të Justin ka qenë shqetësuese” për Hailey dhe miqtë e tyre, të cilët mendojnë se “ata mund ta shpëtojnë martesën — dhe të dy e duan këtë — por për momentin gjërat nuk janë mirë.”

Ky përditësim vjen pasi Justin publikoi një sërë mesazhesh dhe selfie-sh enigmatike në Instagram, si dhe ripostoi një video, ku një person shprehej: “Kur më injoron, të paktën më thuaj pse!”

Ndërkohë, për The Sun ka folur me një burim që tha se Hailey është "jashtë mase e tërbuar" me Justin dhe së fundmi i ka thënë: “Hiq dorë së qeni një fëmijë i llastuar.”

“Ajo është e frustruar,” tha burimi. “Po përpiqet ta ndihmojë, por ai vetëm e mbyll veten. Ajo është vërtet e zemëruar që Justin po i nxjerr problemet e tij në rrjete sociale — momentet e tij të këqija, vështirësitë, dobësitë —dhe që e gjithë bota po i sheh”.

Burimi shtoi se Hailey “ndjen sikur ai po e gropos veten”.

Duke postuar për jetën e tij në këtë mënyrë, e përkeqëson situatën. Ajo e ka lutur të qëndrojë larg rrjeteve sociale për pak kohë, të qetësohet, të rimarrë veten dhe të përqendrohet për t’u ndjerë më mirë nga ana mendore. Por ai vazhdon të bëjë gjërat sipas mënyrës së vet dhe Hailey ndihet e lënë mënjanë, sikur nuk është më pjesë e vendimeve të tij.

“Është zemërthyese për të ta shohë këtë”, përfundoi personi anonim.

Hailey dhe Justin kanë kohë që kanë ndezur thashethemet për një krizë në çift dhe shumë njerëz mendojnë se divorci i tyre është në prag.