Thuhet se udhëtimi i Katy-t në hapësirë është një ndër arsyet e krizës në lidhjen me Orlando-n

Getty Images

Thuhet se Orlando Bloom e ka cilësuar udhëtimin në hapësirë të Katy Perry-t si “të turpshëm” dhe “të sikletshëm”, gjatë një zënke serioze mes tyre. Sipas një burimi anonim për Daily Mail, aktori 48-vjeçar u shpreh se “e gjithë gjëja i dukej shumë qesharake”.
 
Personi anonim shtoi se komenti i tij e lëndoi shumë Katy-n.

“Kjo e lëndoi shumë. Sigurisht që u ndje keq. Imagjino të shkosh në hapësirë, e përsëris, në hapësirë dhe partneri yt të mos habitet fare”.

Burimi vijon se Katy kishte shpresuar se do të gjente më shumë mbështetje tek Orlando.

Ajo u shpreh në “The Morning Mash Up” në “Sirius XM” në mars se Orlando Bloom ishte “i përfshirë totalisht” në udhëtimin e saj historik në hapësirë. Madje, ai ishte fotografuar duke e mbështetur para dhe pas nisjes. Megjithatë, për shkak të komenteve të raportuara të tij, Katy e ka “të vështirë të pranojë mungesën e mbështetjes”.
 
Gjithashtu, ajo nuk e përtyp dot faktin se i fejuari do të shkojë vetëm në dasmën e Lauren Sanchez dhe Jeff Bezos në Itali. Dasma do të zhvillohet gjatë këtij muaji, ndërkohë që Katy është në turne.

“Ata janë tashmë në një krizë në marrëdhënien e tyre dhe dasma e famshme është një tjetër arsye për t’u zënë”, shtoi personi anonim, duke theksuar se në fakt, Jeff dhe Laura janë më shumë miq me Katy-n se sa me Orlando-n, por sërish aktori këmbëngul që të marrë pjesë i vetëm në këtë event të rëndësishëm.

Çifti janë bashkë që nga viti 2016. Ata patën një ndarje të shkurtër në 2017 dhe më pas, u rilidhën dhe u fejuan në 2019-ën. Dyshja, ka edhe një vajzë 4 vjeç, të quajtur Daisy.