Sabrina Carpenter ka një talent të veçantë për ta bërë çdo gjë që prek të duket e mrekullueshme. Prandaj nuk është çudi që edhe manikyri i saj i fundit të jetë i tillë. Këngëtarja ka sjellë një version të ri dhe origjinal të manikyrit klasik french, të cilin ajo dhe artistja e saj e thonjve, Zola Ganzorigt, që punon gjithashtu me motrat Jenner dhe Hailey Bieber, e kanë quajtur “drunk French”.
E veshur me një fustan të bardhë të thurur në formë rrjete, Carpenter shfaqet me një manikyr që në shikim të parë duket si French klasik: bazë nude me maja të bardha.
Por ndryshe nga linjat e mprehta tradicionale, këtë herë majat janë paksa ndryshe.
Rezultati? Një version më i këndshëm i manikyrit french, më pak i përkryer, disi i çrregullt dhe qëllimisht joperfekt.
Këtë 'vibe' mund ta pasqyroni në thonjtë tuaj të radhës, duke ia lënë në dorë imagjinatës linjëzimin e french-it.
