Yjet kanë folur, dhe këtë herë bëhet fjalë për stilin tënd. Nëse je një Dash gjithmonë në lëvizje apo një Peshk që endet në botën e vet, ka një prirje mode që të përfaqëson më së miri këtë verë.
Moda është një formë shprehjeje. Astrologjia nuk është për të të futur në një kuti, por për të të frymëzuar të vishesh brenda natyrës tënde. Ja çfarë duhet të provosh këtë sezon, sipas shenjës tënde:
Dashi – Sportive me stil
E vendosur, energjike dhe gjithnjë në lëvizje. Dashi ka nevojë për veshje që përputhen me ritmin e saj. Streçe të shkurtra, bluza pa mëngë, rroba që mund të vishen në palestër, por edhe në rrugë – komode dhe me vetëbesim.
Demi – Stil boheme e rafinuar
E lidhur me natyrën dhe ndjesitë. Demi ndihet vetvetja në rroba "të rrjedhshme", me materiale të lehta dhe ngjyra të tokës. Fustanet me shpinë të hapur, këmisha të gjera dhe me mëngë të fryra janë zgjedhje perfekte për ty.
Binjakët – Cowgirl moderne
E lezetshme, plot humor dhe kurioze. Ti mund ta kthesh stilin “cowgirl” në një pamje urbane – xhinset e gjera, çizmet me ngjyrë dhe detajet e frymëzuara nga perëndimi janë për ty.
Gaforrja – Stili i gjyshes bregdetare
E ndjeshme dhe pak nostalgjike. Gaforrja i përshtatet për mrekulli stilit të frymëzuar nga ngjyrat e detit; triko të lehta, çizme prej kashte dhe gjithçka që të jep ndjesinë e shtëpisë.
Luani – Silueta voluminoze
E lindur për të shkëlqyer. Fustane të fryra, funde që duken si lule të hapura, forma që marrin hapësirë – nëse ka një shenjë që di të bëjë hyrje me stil, ajo je ti.
Virgjëresha – Kamoshi i lëmuar
Virgjëresha është e përpiktë, por me një sensualitet të heshtur. Këtë verë, materiali kamosh është në modë dhe një çantë në këtë stil ose sandalet e sheshta do ta bëjnë diferencën në çdo veshje.
Peshorja – E verdha "e gjalpit"
E ëmbël dhe e balancuar. Peshorja lulëzon në pastel, sidomos në ngjyrën e gjalpit që është në kulmin e modës. Zgjidh një fustan të gjatë dhe të freskët ose një çantë të thjeshtë, por plot hijeshi.
Akrepi – Veshjet transparente të kombinuara
Misterioze dhe e fuqishme. Shtresimet e rrobave të tejdukshme, tantella, materialet që zbulojnë, por pa treguar gjithçka – janë thellësisht në përputhje me natyrën tënde.
Shigjetari – Bazat e "peshkatares"
Adhuruese e udhëtimeve dhe e risive. Rrobat e frymëzuara nga deti dhe peshkimi, sandale me rripa dhe xhinse të bardha – praktike, të lehta, por me një “personalitet të heshtur”.
Bricjapi – Stil retro me printet gingham
Ti nuk ndjek modën, ti e bën të duket më mirë. Printi me katrorë të vegjël (që këtë verë janë kudo) është perfekt për ty. Një kostum banje me këtë motiv ose një jelek i thjeshtë janë zgjedhje me karakter.
Ujori – Nostalgjike e çuditshme, por me stil
Ti nuk ke frikë nga kombinimet e çuditshme. Je ndryshe, dhe kjo reflektohet edhe në garderobën tënde. Syze me formë të pazakontë, sandale prej plastike, veshje që duken sikur janë kthyer nga vitet ‘90, por me energji të re.
Peshqit – Minimalizëm artistik
Ti nuk kërkon shumë për të bërë përshtypje. Mjafton një bluzë me rripa të hollë, një veshje që "derdhet" butësisht në trup dhe disa shtresa që tregojnë shpirtin tënd artistik. E thjeshtë, por me stil.
Burimi: Glamour
