Shumë njerëz mendojnë se i kanë kuptuar të gjitha rreth marrëdhënieve dhe divorcit . Megjithatë, rritja e shkallës së divorcit tregon të kundërtën.
Divorci mund të jetë i vështirë për anëtarët e familjes dhe madje të çojë në pasoja afatgjata psikologjike. Pra, ka ende shumë për të mësuar rreth fundit të një marrëdhënieje, dhe akoma më shumë, të një martese.
Lexoni më poshtë tre statistika rreth divorcit që ndoshta nuk i dinit:
1. 50% e atyre që divorcohen pendohen për vendimin e tyre
Një anketë me 2,000 burra dhe gra në Mbretërinë e Bashkuar që janë të divorcuar ose që i kanë dhënë fund një lidhjeje prej të paktën pesë vitesh zbuloi se më shumë se 50% e të anketuarve u penduan për ndarjen. Në fakt, 42% u shprehën se do e konsideronin rikthimin me ish-partnerët.
2. Më shumë martesa do të thotë më shumë divorce
Nëse i përkisni kategorisë së njerëzve që besojnë se sa më shumë vite kalojnë, aq më shumë gjasa kanë të gjejnë personin me të cilin do të vazhdojnë jetën përgjithmonë dhe kështu të martohen më shumë se dy ose tre herë, statistikat nuk e mbështesin shumë teorinë tuaj. Sipas të dhënave , shkalla e divorcit për një martesë të parë është midis 41% dhe 50%. Për një të dytë, ajo fillon nga 60 dhe arrin në 67%, ndërsa për një të tretë, shkalla e divorcit është midis 73 dhe 74%.
3. Distanca midis punës dhe shtëpisë ndikon në marrëdhënie
Mund të mos e keni menduar kurrë se si njëra ndikon te tjetra, por nëse rruga juaj nga puna në shtëpi zgjat më shumë se 45 minuta, martesa juaj është në rrezik. Të paktën, këtë ka treguar një hulumtim nga Universiteti Umea në Suedi.
Autorja kryesore e studimit , Erika Sandoë, ndoqi miliona çifte nga viti 1995 deri në vitin 2005. Nga këta, 14% u divorcuan sepse njëri ose të dy partnerët duhej të udhëtonin të paktën 45 minuta për në punë. Nga ana tjetër, vetëm 10% e çifteve që duhej të udhëtonin më rrallë përfunduan duke u divorcuar. Ja një arsye tjetër pse distancat e largëta për në punë dhe orët e humbura në trafik nuk janë argëtuese.
