Martesat e Ben Affleck mund të mos kenë qenë të gjata, por duhet pranuar se ai ia del të ruajë marrëdhënie të mira me ish-partneret e tij. Kjo vlen edhe për Jennifer Lopez, me të cilën ka kaluar një divorc të shumëpërfolur. Megjithatë, sipas këngëtares, ai ka luajtur një rol kyç gjatë një periudhe të vështirë dhe në realizimin e projektit të saj më të fundit artistik.
Në një intervistë për CBS Sunday Morning, Lopez zbuloi se ishte pikërisht Affleck ai që e ndihmoi për të realizuar Kiss of the Spider Woman, një projekt që ajo e cilëson si “strehën e saj të fundit” në një kohë kur marrëdhënia e tyre po kalonte krizë.
“Ishte e vështirë të mos mendoja për disa gjëra,” rrëfen ajo.
“Por, në një farë mënyre, ishte njëkohësisht koha më e mirë dhe më e keqe. Çdo moment që ndodhesha në sheshxhirim, çdo moment që luaja rolin, ndihesha jashtëzakonisht e lumtur. Dhe pastaj, kur kthehesha në shtëpi, gjithçka ishte e zymtë.”
Lidhur me këtë eksperiencë ajo tha:
“Në fakt, ishte një nga gjërat më të mira që më ka ndodhur ndonjëherë. Më ndihmoi të rritem, të njihja më mirë veten. Jam një person tjetër sot nga ç’isha vetëm një vit më parë.”
Pavarësisht ndarjes, J.Lo pranon se Ben Affleck ishte një mbështetje e madhe për të në realizimin e filmit, në të cilin ai shërbeu si bashkëproducent.
“Ky film nuk do të ishte bërë kurrë pa të dhe pa kompaninë Artist Equity. Gjithmonë do t’i jap meritat që i takojnë, ata e financuan projektin. I thashë se ishte një rol për të cilin kisha lindur dhe që duhej ta bëja. Ai u përgjigj ‘në rregull’ dhe më ndihmoi ta bëja realitet.”
