Foto: @emswells; @olympiamarie; @nlmarilyn

Xhinset në vitin 2026 kanë më pak të bëjnë me ndjekjen e trendeve dhe më shumë me kombinime të menduara mirë.

Më poshtë, po ndajmë një sërë rregullash të qarta të reja për veshjen e xhinseve, rregulla që i japin përparësi përmbajtjes, shkëlqimit dhe qëllimit mbi çdo gjë që duket tepër e stiluar. Xhinset nuk kanë për qëllim të tërheqin më vëmendjen, por të përdoren me zgjuarsi për ta drejtuar vëmendjen në pikën më të fortë të veshjes tënde.

Ja disa rregulla të thjeshta, por që do t'ju zgjidhin goxha punë, se si t'i vishni xhinset këtë vit:

Rregulli 1: Xhinsi është i lirshëm, por kurrë i çrregullt

Çdo palë ofron rehati në këmbë, por edhe qëllim: qepje janë të strukturuara, beli "i pastër" dhe fundi i xhinseve duhet të jetë i menduar mirë se si do rrijë mbi këpucë.

Rregulli 2: Veshja e sipërme flet më shumë

Pamjet më të forta kombinojnë xhinsin me pallto të gjata, lëkurë me frymë vintage, gëzof artificial dhe silueta me rrip.

Rregulli 3: Xhinset me bel mesatar janë zgjidhja 

Beli nuk është pika kryesore. As tepër i lartë, as rikthim i belit të ulë, thjesht një bel natyral dhe praktik që i lë hapësirë pjesës tjetër të veshjes.

Rregulli 4: Xhinse me këmbë të drejta mbi gjithçka tjetër

As të ngushta, as të gjera, xhinset klasike me këmbë të drejta dominojnë sepse shkrihen me veshjen dhe nuk e vjetron atë.

Rregulli 5: Fundi ka më shumë rëndësi se silueta

Zgjidhni xhinse që bien lehtë mbi këpucë ose prekin butë kyçin. Shmangni modelet shumë të shkurtra ose tepër të gjata që grumbullohen në mënyrë të ekzagjeruar mbi këpucë.

Rregulli 6: Xhinsi i çelët është rikthyer, por stilohet “errët”

Bluja e zbehtë funksionon vetëm kur balancohet me tekstura më të rënda: lëkurë, lesh, gëzof, pallto të strukturuara.

Rregulli 7: Rripat janë të thjeshtë, klasikë dhe të domosdoshëm

Zgjidhni rripa të hollë prej lëkure me tokëza minimale, pa detaje që konkurrojnë me pjesën tjetër të veshjes.

Rregulli 8: Xhinset duhet të duken të tuat, jo trendi i momentit

Asgjë nuk duhet të duket krejt e re apo e tepruar. Palët më të mira duken sikur i keni pasur prej vitesh.

Rregulli 9: Aksesorët e zinj e bëjnë xhinsin menjëherë modern

Çanta të zeza, taka të zeza dhe syze dielli të zeza shfaqen vazhdimisht, ato modernizojnë edhe xhinset më bazike.

Rregulli 10: Xhinsi vishet njësoj ditën dhe natën

Pa ndërrime veshjeje. E njëjta palë xhinsesh funksionon për kafe, punë të përditshme dhe darkë. Stilimi bën ndryshimin.