Valdrin Sahiti ka dalë sërish në skenën ndërkombëtare të modës, këtë herë në Çmimet Grammy 2026, ku dy artiste të njohura u shfaqën në tapetin e kuq me veshjet e markës.
Kehlani
Këngëtarja e njohur Kehlani tërhoqi dhe vëmendjen e kritikëve të modës përpara se të fitonte 2 Grammy-t e saj gjatë natës, si një ndër pamjet më të komentuara të tapetit të kuq.
Ajo veshi një fustan të zi të tejdukshëm nga Valdrin Sahiti, të mbushur me zbukurime. Fustani i rrinte ngushtë trupit dhe hapej lehtë në fund, me një dekolte të thellë të mbajtur me perla të vogla dhe një prerje në zonën e mesit. Materiali i tejdukshëm ekspozonte pak lëkurë në mënyrë elegante dhe nxirrte në pah tatuazhet e saj të shumtë.
Ari Lennox
Edhe Ari Lennox u shfaq në tapetin e kuq me një fustan të personalizuar nga Valdrin Sahiti. Fustani i Ari-t kombinonte një trupore me një hapje të vogël në zonën e gjoksit dhe një fund me strukturë të rafinuar, duke i dhënë siluetës së saj një pamje shumë elegante dhe të balancuar.
Dizajnet e Valdrin Sahitit nuk janë të panjohura në skenën ndërkombëtare. Yje të mëdha botërore si Beyoncé, Jennifer Lopez, Paris Hilton, Rita Ora dhe Kelly Rowland kanë zgjedhur fustanet e tij për tapete të kuq dhe evente prestigjioze.
Çdo veshje ruan stilin karakteristik të markës, me detaje të punuara me dorë dhe silueta të rafinuara, që nxjerrin në pah personalitetin e secilës artiste.
-
-
-
Cher shpall gabimisht këngëtarin e ndjerë si fitues të Grammy-t
2 Shkurt, 15:33 -
-
Çmimet Grammy 2026: Lista e plotë e fituesve
2 Shkurt, 07:10 -
Çmimet Grammy 2026: Ja ç'veshën yjet
2 Shkurt, 06:41
