Alban Dudushin dhe Bieta Sulo mund të duken gjithë kohës 'fol e qesh', por gjithsesi, vetë moderatori e ka pranuar se ata shpeshherë kanë debate dhe se Bieta është më kokëfortë se ai. Albani rrëfeu ca fragmente nga puna e të dyve së bashku, duke na treguar se si çdo çift në këtë botë, kanë debatet e tyre, por edhe se nuk i marrin zënkat e punës në shtëpi.
“Kishim shumë debate kur punonim bashkë. Gjatë kohës së emisionit; debate në lidhje me të ftuarit, temën, si duhej trajtuar tema. Kur shkonim në shtëpi, harrohej ai muhabet. Debati ka rezultuar që ka pasur Bieta më shumë të drejtë, por edhe unë”, u shpreh ai.
Ai e theksoi që Bieta është më kokëfortë:
“Ti do thuash "a ka pasur më shumë të drejtë Bieta?" Ne jemi qenie bazike, ju jeni 2.0. Kam një mikeshë që thotë që ne kur përplaseni bëjmë xixa. Tani, është Bieta më kokëfortë”.
“Ne jemi të lumtur me njëri-tjetrin sepse edhe zihemi shumë. Bieta e ka maninë e perfeksionit. I vetmi njeri që Bieta nuk i bërtet në shtëpi për rrëmujën është djali, Kroi”, përfundoi Albani.
Pra, fëmijë, përsëriteni pas Albanit dhe Anabelit: “Kur punojmë me gruan dhe grindemi në punë, nuk e marrim inatin në shtëpi!”.
