Pse fundi i një epoke?: Besojmë se e mbani mend që MC Kresha, Capital T dhe Ledri Vula ishin tre reperët që nisën këtë vallen me flokë të gjatë dhe kaçurrela të theksuara.

Ndërkohë që Capital T i shkurtoi fare, Ledri eksperimentoi me një model të ri, MC Kresha i qëndroi besnik shkurres së tij: përgjithësisht nuk rruante as mjekrën, a thua se jetonte në ndonjë shpellë, POR ne nuk po ankohemi, përkundrazi!

Megjithatë edhe reperi ka vendosur t’i rikthehet stilit të mëparshëm, siç mund ta shihni në këtë foto.

Okay, ndoshta nuk është ajo që prisnit, por ka një goxha ndryshim dhe ngjason më shumë me look-un e mëparshëm.

Pse, si ka qenë më parë?: Po ja, po t’i kthehemi daljes së tij të parë të bujshme në tregun muzikor në Shqipëri, kur këndonte me Rozana Radin në ''Kënga Magjike’’ hitin ''Jabadabadu’’, look-u i tij ishte vite dritë larg me këtë të pak kohëve më parë.

Për t’jua qartësuar idenë, bëhet fjalë për këtë këtu

Po, i njëjti person është!

I ftuar në ''Pop Culture’’ disa muaj më parë, djali nga Mitrovica u pyet nëse do t’i priste flokët për 100 milionë lekë, duke u përgjigjur kështu: ''Nuk i pres për lekë, do t’i prisja vetëm për ndonjë vepër humanitare, pasi kam dëgjuar që ka vepra të tilla dhe me kënaqësinë më të madhe do t’i kisha prerë. Por për lekë jo.’’

Thua t’i ketë prerë për bamirësi?: Hmm nuk dihet, por edhe mundet.