Festivali i 58 i Këngës në RTSH, i cili do të organizohet si zakonisht në dhjetor, pritet t’u besohet dyshes së famshme: Vera Grabocka – Alketa Vejsiu. Burime për Panorama Plus shprehen se Grabocka dhe Vejsiu kanë nënshkruar një kontratë me Radio-Televizionin Publik Shqiptar për të realizuar Festivalin e Këngës me Verën si regjisore, ndërsa Alketën si moderatore.

Burime për Anabel.al konfirmojnë gjithashtu se ato kanë marrë përsipër Drejtimin Artistik dhe pritet të jetë një festival ndryshe, me një frymë të re – një reformë artistike në shumë drejtime.

Vera Grabocka drejtoi Festivalin e Këngës në rolin e regjisores në vitet 1985-1989, 1991 dhe 1994 në po të njëjtin ekran ku solli një frymë të re në televizionin shqiptar. Për momentin, dyshja që prodhon sukses, po merret me organizimin e sezonit të gjashtë të “Dance with Me”.