Ndonëse e shtynë 3 herë, më në fund Justin Bieber dhe Hailey Baldwin-Bieber do të martohen në shtator. Sipas burimeve të TMZ, ceremonia do të organizohet në Karolinën e Jugut dhe data e përzgjedhur është 30 shtatori.
Justin dhe Hailey u fotografuan javën e kaluar në Palmetto Buff, një zonë tepër tërheqëse për turistët në Bluffton, qytet në Karolinën e Jugut.
Për më tepër, Karolina e Jugut është një ndër vendet më mahnitëse për dasmat. Çifti thuhet se u shoqërua nga Mindy Weiss, një ndër emrat më të njohur për organizimin e eventeve, e cila ndër të tjera ka realizuar edhe dasma të shumë personazheve të njohur dhe ka bashkëpunuar për evente të ndryshme me Heidi Klum, Ellen DeGeneres, Ciara, Diana Ross, Katy Perry, Kardashians etj.
Përsa i përket ftesave, duket se dyshja nuk ka preferuar ato tradicionale, por ka vendosur për një model të lezetshëm, të ngjashëm me vizatimet pin-up të viteve ’50.
