Përditësim, ora 19:50/ Ledri konfirmon lajmin përmes një fotoje në Instagram:

Përditësim, ora 19:15/ Miku i Ledrit dhe Sarës, Rron Kajtazi, konfirmoi lajmin duke publikuar një foto teksa komunikon me reperin. “Telefonata e lumturisë”, e quan ai duke shtuar me hashtag: "Në këtë ditë, vëllai im u bë baba. Urime".

Artikulli i mëparshëm:

Ledri dhe Sara Hoxha thuhet se janë bërë prindër për herë të parë. Media të ndryshme në Kosovë, si RTV21, Gazeta Express dhe Prive raportojnë se bebushja ka ardhur në jetë ditën e sotme.

Asnjë prej çiftit nuk ka reaguar.

Zërat për shtatzëninë u përhapën në fund të qershorit, ndërkohë që në prill, Ledri pohoi për “NIN” se është gati për t’u bërë baba. Të njëjtën gjë tha edhe në intervistën e fundit në “NIN” në qershor. I ftuar tek "E Diela Shqiptare" në shtator, reperi, bashkë me familjen e tij folën gjatë për emocionet e reja që i ka dhënë pritja e ëmbël e bebushes, jeta e re me Sarën dhe sigurisht të qenurit prind.

Në fund të korrikut, nëpërmjet një postimi në Instagram, të dy zbuluan gjininë e bebit, në tetor Ledri publikoi këngën "Si baba", ndërsa në nëntor emocionuan internetin me rrengun e famshëm.