Foto: Cardi B, Stefon Diggs/ Getty Images

Cardi B i ka bërë paralajmërim të qartë të dashurit të saj, Stefon Diggs dhe ai nuk duhet të ketë më asnjë fëmijë me asnjë grua tjetër sa kohë janë të lidhur bashkë.

“Ajo ka qenë shumë e qartë me Stefon. Nëse ai bën një gabim, nëse një tjetër grua del me një fëmijë pasi ata u bënë zyrtarisht çift dhe krijuan një familje së bashku, ajo nuk do të merret më me të,” tha një burim për The Sun të shtunën.

“Ajo i tha qartë se nëse e tradhton apo ka një fëmijë tjetër për të cilin ajo nuk është në dijeni, atëherë marrëdhënia mes tyre do të marrë fund.”

Vitin e shkuar, Stefon Diggs u bë baba i një djali me Cardi B dhe i një vajze me një tjetër partnere, gjithashtu gjatë vitit 2025.

“Cardi e ka ditur që në fillim që Stefon ishte mjaft tërheqës për gratë dhe kishte patur shumë marrëdhënie në të shkuarën, por dashuria e saj për të i tejkalon të gjitha këto,” shtoi burimi për mediat.

“Ajo e di që ai ka qenë besnik ndaj saj që në momentin kur lidhja u zyrtarizua, madje ai ka qenë i sinqertë mbi marrëdhëniet e mëparshme, dhe ka qenë i përkushtuar vetëm ndaj saj që prej momentit kur u lidhën.”

Stefon Diggs ka edhe një vajzë tjetër, të lindur në vitin 2016, nga një marrëdhënie e mëparshme.

Burimi madje shtoi se Cardi B e vlerëson prindërimin e tij, pasi sipas saj ai është një baba i përkushtuar dhe mbështetës që i do të gjithë fëmijët e tij. Përveç kësaj, kur të gjithë mblidhen së bashku, ajo ndihet pjesë e një familjeje të madhe dhe e shijon çdo moment.

Kur dëgjon gjëra negative për partnerin e saj, ajo zemërohet, por mbetet e vendosur të qëndrojë pranë tij.

Cardi B dhe Stefon Diggs e filluan lidhjen e tyre në vitin 2025, pasi ajo kishte paraqitur kërkesën për divorc nga Offset një vit më parë. Ajo konfirmoi shtatzëninë e saj me sportistin brenda po të njëjtit vit.