Offset nuk e lë rehat! Reagon Cardi B: “Ndihem sikur jeta ime është në rrezik!”

Instagram/@iamcardib

Cardi B ka folur për përndjekjen që Offset, ish-bashkëshorti i saj i bën, pas një reagimi të çuditshëm që ai pati në Instagram për bebin e katërt të Cardi B dhe të parin me të dashurin e saj, Stefon Diggs.

“Fëmija im”, shkroi Offset, por më pas u pendua shpejt dhe e fshiu. Megjithatë, postimi u bë screenshot dhe u postua kudo, duke sjellë edhe një reagim nga reperja.

“Ju mendoni se është për të qeshur, por nuk është… ka kaluar më shumë se një vit dhe ende jam ngacmuar dhe kërcënuar deri në pikën që ndiej se jeta ime është në rrezik. Gjithçka është lojë deri sa të bëhet tepër vonë,” shkroi ajo në X, në një postim tashmë të fshirë.

“Njerëzit bëjnë gjithçka për vëmendje dhe gjërat mund të bëhen shumë të ndyra”, tha ajo dhe më pas, kërkoi që ta lënë të qetë!

Cardi (emri i vërtetë: Belcalis Almánzar) më pas hyri në Spaces për të ndarë më shumë detaje me fansat për ngacmimet e pretenduara.

“Jam vërtet lodhur nga ngacmimet dhe kur më ngacmon privatisht dhe unë e injoroj, atëherë filloj të ngacmohem publikisht. Kam çdo provë”, vijoi ajo, duke thënë se ndonjëherë, kur shkon të flejë, mendon se e gjitha kjo nuk është normale.

“Shoh dokumentarë krimesh, gjëra në rrjetet sociale për gratë që vriten çdo ditë”, theksoi ajo.

Një zëdhënës i Offset tha për Page Six të hënën: “Çdo deklaratë që i atribuohet Offset dhe qarkullon në rrjete sociale është plotësisht e sajuar. Cardi reagoi ndaj dezinformatave dhe situata u përshkallëzua kot. Offset ka mbetur mbështetës ndaj Cardi-t dhe i dëshiron asaj vetëm më të mirën.”

Cardi kërkoi divorcin nga reperi Offset gjatë verës së kaluar. Kjo ndodhi për herë të dytë, pas gati 7 vitesh martesë. Ata kanë tre fëmijë së bashku: Kulture, 7 vjeçe, Wave, 4 vjeç dhe Blossom, 1 vjeç. Offset është gjithashtu baba i tre fëmijëve të tjerë me tre gra të ndryshme.

Që nga ndarja, bashkëpunëtorët e “Clout” kanë debatuar vazhdimisht në rrjete sociale. Në qershor, Cardi quajti Offset “një baba të munguar”, teksa ndau shumën marramendëse me gjashtë shifra që ajo paguan çdo vit për shpenzimet e fëmijëve.

Në fillim të këtij muaji, Cardi mirëpriti një djalë me Diggs, 31 vjeç, disa muaj pasi ata konfirmuan romancën publikisht në maj.