E dimë me siguri që “BBVK 4” do të rikthehet, por s’kemi një datë konkrete. Megjithatë, në konferencën “Big Brother Exchange” në Gjermani, Alaudin Hamiti dhe Olsa Muhameti, treguan për ndikimin e reality show-t në shoqërinë shqiptare.
Pas konferencëns, Alaudini dhe Olsa ishin të ftuar virtualisht në një intervistë për “Kosova Today”, ku moderatori bëri me dije se edicioni i katërt do të sjellë “shumë inovacione dhe vetëm risi”, ndërsa Olsa Muhameti u shpreh se është e emocionuar që përmes këtij programi, progami, “kanë qenë pjesë e një tavoline të rëndësishme në shtetet e mëdha”.
“Kosova, një shtet i vogël, është përmendur dinjitetshëm, përmes një formati kaq të suksesshëm si “Big Brother VIP Kosova”. Është emocionuese që përmes këtij programi, kemi qenë pjesë e një tavoline të rëndësishme me shtete të mëdha”, u shpreh Olsa ndër të tjera.
Ajo theksoi edhe përdorimin e teknologjisë si risi dhe inteligjencën artificiale, në historitë e konkurrentëve VIP-a, për të treguar edhe qasjen inovatore që ka produksioni.
