Charli XCX, krijuesja e “brat summer”, është martuar me partnerin e saj, George Daniel, i cili është edhe bateristi i grupit The 1975.
Ceremonia intime u mbajt në Londër dhe të gjithë anëtarët e bandës së Daniel ishin të pranishëm, përveç këngëtarit kryesor, Matty Healy, i cili thuhet se iku direkt nga festimet e beqarisë në Ibiza, për të qenë me të fejuarën e tij, Gabbriette Bechtel në Los Angeles, ku ajo kishte angazhime kontraktuale për filmin e saj të parë.
Video dhe foto nga dasma tregonin Charli-n dhe Daniel-in teksa pozonin për foto me familjarët jashtë bashkisë së Hackney-t. Thuhet se ishin të pranishëm rreth 20 miq dhe të afërm të ngushtë.
Charli (emri i vërtetë i së cilës është Charlotte Emma Aitchison) kishte veshur një fustan nusërie të thjeshtë dhe në fotot e publikuara, duket super e lumtur teksa mban në duar një buqetë me lule.
Këngëtarja e hitit “Girl, so confusing”, 32 vjeç, u lidh me Daniel në mars të vitit 2022. Përpara lidhjes së tyre, dyshja kishin bashkëpunuar në projekte muzikore. Në nëntor 2023, ylli i pop-it njoftoi se ishte fejuar me muzikantin 35-vjeçar, përmes një postimi në Instagram.
Ndërsa më 19 korrik, kurorëzuan dashurinë në martesën private.
Epo, urime! Mos harro të vazhdosh të jesh 'brat', Charlie!
