Nëse Tulum ka qenë gjithmonë në bucket list-ën tënde, këtë verë nuk ke pasur nevojë të udhëtosh kaq larg. Zamna Festival, i njohur si një nga ngjarjet më të veçanta të muzikës elektronike në botë, zgjodhi këtë vit të sjellë magjinë e tij për herë të parë në Shqipëri dhe jo kudo, por në një nga destinacionet më të bukura të rivierës jugore, Drimadhes.

Për tre netë, plazhi u kthye në një skenë gjigante ku performuan DJ me famë botërore, nga Korolova e deri tek Agents of Time dhe Peace Control, duke e bërë beach bar-in me njerëzit më cool të ndriçojë nga ritmet e muzikës që s'u ndal deri në agim.

Fundjava e fundit të gushtit, na kujtoi pse Zamna konsiderohet një eksperiencë unike: tingujt elektronikë, deti i preferuar përballë dhe njerëz që vijnë nga e gjithë bota për të ndarë të njëjtën energji me të rinjtë shqiptarë. Pjesë e kësaj energjie ishte padyshim Curious X nga IQOS, që solli një zonë të dedikuar ku argëtimi nuk kishte të bënte vetëm me muzikën.

Aty, pjesëtarët e komunitetit të tij shijuan: Lojëra interaktive që e bënë eksperiencën më dinamike, make up corner për look-e plot ngjyra, perfekte për netët e gjata të festivalit,pije dhe hapësira sociale ku gjithçka lidhej me relaksin dhe shijimin e momentit.

Ishte ajo prekje që i dha festivalit më shumë lifestyle, duke kombinuar energjinë e muzikës me atmosferën e një nate të gjatë verore, ku çdo detaj kthehet në kujtime që do t'i përflasim gjatë. Ky edicion i parë i Zamna në Shqipëri është më shumë se thjesht një festival, është një shenjë e qartë që jugu ynë po shndërrohet në një destinacion ndërkombëtar për evente të kësaj natyre. Për tre ditë, Drimadhes nuk ishte thjesht një plazh i bukur, por një vendtakim për adhuruesit e muzikës elektronike dhe të kulturës moderne.