Në "The Dalina Show", Andale Media, u trajtua së fundmi tema e transformimit të vetvetes pas moshës 40 vjeç. Dalina Buzi, ndër të tjera, tha se pjesë e këtij transformimi ishte dhe të diturit apo guxuarit për të vendosur limitet apo kufinjtë e tu. "Më duket proces shumë i vështirë," tha Dalina.
Më pas, ajo tregoi një ngjarje që i kishte ndodhur me bashkëshortin e këngëtares Adelina Ismaili, Val Krasniqi, që Dalina tha se i kishte mbetur si leksion jete:
"Nuk e harroj kurrë, isha në maternitet, po lindja. Isha duke bërë një kopertinë, kisha revistën Anabel dhe ishte kopertina e Adelina Ismailit. Nuk e di se çfarë kishte ndodhur një incident me një nga stafi im, për të cilën bashkëshorti i Adelinës ishte shumë i irrituar dhe ai më merr në telefon në maternitet."
Ajo që ndodhi më pas mund të duket çnjerëzore, por Dalina jo vetëm që nuk "fajëson" bashkëshortin e Adelinës, por shpreh një lloj mirënjohjeje për mësimin që i dha për rikujtesën e kufinjve që gjithsecili prej nesh duhet të ketë:
"Sapo kisha lindur. Më shkroi dhe unë i ktheva përgjigje. Ishte shumë nervoz. Unë i kthej përgjigje dhe i them 'Të lutem, se sa kam lindur'. 'Është problemi yt,' tha, 'që e ngre [telefonin]'. Nuk u bë shumë leksion menjëherë, por unë e mendoj gjithmonë sepse jam ndjerë shumë... sikur kam poshtëruar veten time."
Dhe në fund, Dalina përmbylli:
"Fakti që ai njeriu nuk tha 'Më fal', por 'Ti vetë zgjodhe ta ngresh telefonin'... Unë vazhdova u mora me këtë dhe mbaj mend, kam hequr nga puna njeriun e stafit që bëri këtë problemin. E hoqa në maternitet mbas lindjes. Po gjithmonë më kujtohet ajo dhe them 'Ja, shiko se si e bën veten' dhe ti vjen në një moshë që nuk mban më."
Episodi i plotë:
