Lauren Pisciotta, ish-asistentja e Kanye West, ka rishikuar padinë e saj kundër reperit duke e akuzuar për sulm seksual, ngacmim dhe burgim të rremë. Sipas saj, gjatë një udhëtimi pune në San Francisko, Kanye e ka prekur dhe sulmuar në mënyrë të papranueshme, duke kryer edhe veprime të papërshtatshme në prani të saj. Por, reagimi i ekipit të Kanye-t ka qenë i ashpër dhe përbuzës.
Një përfaqësues i reperit tha se kjo është padia e katërt që Pisciotta ka paraqitur dhe çdo version i ri është edhe më absurd se i mëparshmi. Ai i quajti këto akuza “fantazi të sëmura” dhe “trillime” që nuk kanë asnjë bazë në realitet. Madje theksoi se gjykatat nuk janë vend për të dëgjuar delirime dhe çrregullime mendore dhe janë të gatshëm ta “shkatërrojnë” këtë padi para një trupi gjykues, duke qenë se ajo vetë duhet ta kuptojë që nuk ka asnjë shans për sukses.
Milo Yiannopoulos, përfaqësuesi tjetër i Kanye West, e mbrojti ashpër reperin duke thënë se ai është “një nga artistët më paqësorë”, që nuk ka asnjë precedent me dhunë dhe madje nuk posedon as armë. Ai tha se Pisciotta ka zgjedhur personin e gabuar për ambiciet e saj dhe duhet të ishte më e kujdesshme.
Nga ana tjetër, avokatja e Pisciotta-s u përgjigj se pavarësisht fjalëve të ashpra të përfaqësuesve të Kanye West, ai vetë ka pranuar në publik shumë nga akuzat që ajo paraqet dhe se në gjykatë nuk do të mund të fshihet pas një “ekipi me shumë para”.
Lauren Pisciotta ka akuzuar reperin edhe për situata shumë të rënda ku thuhet se ajo është trajtuar si një “objekt seksual”, është detyruar të shikojë marrëdhënie intime të Kany-se me gra të tjera dhe është ekspozuar ndaj presionit dhe ngacmimeve të vazhdueshme.
-
Anulohet koncerti i vetëm i Kanye West në Europë
11 Korrik, 10:36 -
-
-
-
Burimi: Page Six
