Ndodh që, me kalimin e kohës, të ndjesh se disa miqësi nuk të sjellin më atë energji që të duhet. Është e rëndësishme të njohësh momentin kur duhet të largosh dikë nga jeta jote për të mbrojtur mirëqenien tënde. Ja disa hapa të thjeshtë për t’i dhënë fund një miqësie:
1. Vlerëso situatën
Reflekto mbi arsyet pse ndihesh se kjo miqësi nuk është më e shëndetshme për ty. A të shkakton stres apo ndjenja negative? A e ke vënë re se marrëdhënia shoqërore është bërë mbytëse?
2. Bisedo hapur
Nëse ndihesh rehat, bisedo me mikun tënd. Shpjegoji ndjenjat dhe arsyet pse mendon se është më mirë të krijoni distancë. Komunikimi i qartë dhe i sinqertë mund të ndihmojë të dyja palët të kuptojnë më mirë situatën.
3. Zgjidh mënyrën e duhur për të ndarë rrugët
Në varësi të natyrës së miqësisë dhe situatës, vendos nëse është më mirë t'i jepni fund raportit personalisht, përmes një telefonate apo mesazhi. Gjithmonë respekto mikun tënd dhe zgjidh mënyrën që është më pak e dhimbshme për të dy.
4. Vendos kufij
Pas përfundimit të raportit shoqëror, është e rëndësishme të vendosni kufij të qartë. Kjo mund të nënkuptojë shmangien e takimeve të shpeshta. Kufijtë do t'ju ndihmojnë të dyve të përshtateni me situatën e re.
5. Kërko mbështetje
Largimi nga një mik mund të jetë emocionalisht sfidues. Kërko mbështetje nga familia apo miq të tjerë që të të ndihmojnë ta kalosh këtë periudhë.
6. Kujdesu për veten
Pas ndarjes, përqëndrohu në kujdesin për veten. Bëj gjëra që të sjellin gëzim dhe pozitivitet, dhe mos harro se është normale të ndihesh keq për një periudhë të caktuar kohe.
7. Mendo për të ardhmen
Duke hequr dorë nga miqësitë toksike, hap rrugën për shoqëri të reja më të shëndetshme. Kujto se meriton të kesh pranë njerëz që të respektojnë dhe të mbështesin.
Largimi nga një mik është një proces i vështirë, por ndonjëherë i nevojshëm për të ruajtur shëndetin mendor dhe emocional. Gjithmonë mbaj mend se është e rëndësishme të kujdesesh për veten dhe të jesh i rrethuar nga njerëz që të bëjnë të ndihesh mirë dhe të përcjellin pozitivitet.
