Ervin Salianji bëri një batutë (të ëmbël) përballë Gridës dhe njerëzit nuk po i ndalin komentetet

Grida Duma/ Ervin Salianji

Ervin Salianji, i ftuar në “Top Story” përballë Grida Dumës, me të cilën përflitet se prej vitesh ka një marrëdhënie romantike, nuk e kurseu një shaka që për shumë njerëz mori tone romantike, ndërsa prezantohej nga moderatorja.

“Kam një kënaqësi super të veçantë që kam Ervin Salianjin në studio”, tha Grida, ndërsa Ervini ia priti:

“Mirëmbrëma! Kënaqësia ime, e përjetshme”, me sytë që i shkëlqenin dhe një buzëqeshje në fytyrë.

Grida qeshi dhe vijoi me prezantimin e të ftuarve të tjerë, por njerëzit u fiksuan pas këtij momenti dhe sigurisht, e komentuan shumë:

Komentuesit vlerësuan dashurinë e tyre:

Siç e thamë më sipër, Grida dhe Ervin Salianji përfliten për një marrëdhënie romantike. Ata nuk e kanë mohuar/konfirmuar marrëdhënien e tyre, por Grida, si rrallëherë, ka folur në një intervistë për “Goca dhe Gra”, ku u shpreh se këtë vit ka sakrifikuar shumë për dashurinë.

Njerëzit e lidhën intervistën e saj me arrestimin dhe burgimin e politikanit, pas akuzës se inskenoi një video ku një person fliste në emër të vëllait të ish-ministrit të Brendshëm, Fatmir Xhafaj, Në video aludohej se ai ishte përfshirë në aktivitet të jashtëligjshëm.

“Dashuria është gjithëkuptimi i gjësë, i së gjithës. Dashuria është gjithçka, pa dashurinë nuk bëj asgjë. Çdo gjë që bëj e dua deri diku, shumë apo pak, por pa e dashur nuk e bëj,” tha ajo.

Më tej, Duma theksoi se ndonjëherë duhet të ndryshojmë për të mos humbur personin e zemrës.  

“Dashuria në distancë mbahet gjallë deri diku. Për mua nuk është dashuri është iluzion. Unë dua gjërat reale, gjërat me të cilat njerëzit janë bashkë, përjetojnë çdo gjë bashkë. Egoja pengon shumë, ajo nuk është një gjë që…Që të akomodosh tjetrin duhet të lësh nga egoja jote shumë. Kam mësuar ta bëj, nuk e bëja kollaj. Por fillon ta bësh që të mos humbësh tjetrin. Njeriu duhet të ndryshojë,” shtoi ajo.

Por a ka sakrifikuar vetë ajo për dashurinë? Mesa duket po, sidomos këtë vitin e fundit.

“Gjëja më e madhe që kam bërë për të mos humbur dikë, kam ndryshuar shumë nga vetja, është gjëja më e dhimbshme për mua. Mendoj që bëj çdo ditë sakrifica. Sidomos këtë vit kam bërë shumë sakrifica”, u shpreh ajo.