Foto: Top Channel/ Instagram

Pritjes për konfirmimin zyrtar të moderatores dhe opinionistit tjetër, pas Françeska Muratit, të "Fan Club Big Brother VIP" i ka ardhur fundit dhe kishim pjesërisht të drejtë!

Moderimi për edicionin e pestë të "BBVA" i ka kaluar Kiara Titos, e cila kthehet për herë të dytë si moderatore e "Fan Club", që nga edicioni i tretë i spektaklit.

Opinionisti, nga ana tjetër, është zbuluar zyrtarisht se do të jetë Arjan Konomi, i cili rikthehet në Top Channel dhe në televizion pas disa vitesh mungesë, që kur shërbente si opinionist në "Për'puthen".

Komentet për dyshen kanë qenë njësoj pozitive dhe entuziaste, me shumë njerëz që do donin t'i shihnin Kiarën dhe Arjanin "në prime time" e jo vetëm në "Fan Club". Dhe kjo na kujton se për edicionin e pestë të "Big Brother VIP Albania" vazhdojnë të mbeten mister dy opinionistët e zgjedhur për këtë vit, pas konfirmimit se moderatori për të tretin vit radhazi do të jetë Ledion Liço.

Përsa u përket banorëve të mundshëm, ndër listat me emra që qarkullojnë kudo, moderatorët e UëTëFë Show, në Andale Media, i telefonuan të gjithë me radhë për të marrë ndonjë reagim. Shiheni këtu, disa e bënë mjaft të qartë, edhe pa thënë "po", se me siguri do t'i shohim brenda shtëpisë së Big Brother. ;)