Foto: Global Look Press/PsychoShadow

Hëna e Plotë e parë e vitit 2026 ngrihet më 3 janar në shenjën e ndjeshme dhe mbrojtëse të Gaforres, duke sjellë me vete një moment të fuqishëm çlirimi emocional. E njohur edhe si Hëna e Ujkut, kjo është gjithashtu superhëna e katërt radhazi, çka do të thotë se shfaqet më afër Tokës dhe duket më e madhe dhe më e ndritshme në qiell, me ndikim po aq intensiv edhe në energjinë që përcjell.

Pas javësh të tëra nën ndikimin e Bricjapit, ku fokusi ka qenë te puna, përgjegjësitë dhe objektivat afatgjata, kjo Hënë e Plotë vjen si një kujtesë që ambicia duhet të jetë në ekuilibër me ndjenjat. Suksesi i vërtetë nuk ndërtohet vetëm mbi disiplinë, por edhe mbi sigurinë emocionale.

Meqenëse Gaforrja është shenja e sunduar nga Hëna, kjo fazë nxjerr në pah ndjeshmërinë, nevojën për lidhje emocionale dhe krijimin e hapësirave të sigurta ku nuk ka nevojë të fshihet butësia. Për disa shenja, kjo energji është veçanërisht e fortë, madje transformuese.

Hëna e Plotë do të jetë më emocionale se ç'duhet për këto shenja:

Dashi

Kjo Hënë e Plotë prek thellë themelet emocionale të Dashit. Ambiciet për vitin 2026 janë të mëdha, sidomos në karrierë, por tani është koha të rregullohen “muret e brendshme”. Kujtime nga e kaluara, çështje familjare apo ndjenja të pazgjidhura kërkojnë vëmendje. Sa më shumë që Dashi pranon dhe integron emocionet në rrugën e vet, aq më i pandalshëm bëhet.

Gaforrja

Hëna e Plotë ndodh në shenjën tënde dhe kjo është një pikë kulmore. Marrëdhëniet kanë qenë në qendër të vëmendjes, por tani pyetja është: çfarë po sjell TI në këto lidhje? Ndryshime në nevoja, dëshira apo frikëra dalin në sipërfaqe. Kjo është një periudhë rritjeje personale, ku shprehja emocionale sjell çlirim dhe forcë.

Bricjapi

Bricjapi shpesh e sheh veten si të pavarur dhe të fortë, por kjo Hënë e Plotë vendos pasqyrën përballë marrëdhënieve të tij. Sa mbështetëse janë njerëzit pranë teje? A ndihesh i/e lirë të ndash ëndrrat dhe frikërat? Pranimi i ndikimit që kanë të tjerët në rrugëtimin tënd do të të bëjë më të fortë, jo më të dobët.

Për këto shenja, ndikimi do të jetë më i qetë dhe i menaxhueshëm:

Luani

Për Luanin, kjo Hënë e Plotë sjell më shumë reflektim të brendshëm sesa tronditje emocionale. Intuita flet më fort, edhe pse jo gjithmonë me prova konkrete. Është një kohë për të dëgjuar zërin e brendshëm dhe për të kuptuar se bota e jashtme pasqyron gjithmonë atë që ndodh brenda nesh.

Ujori

Ujori ndjen një shtysë për të riorganizuar përditshmërinë. Jo vetëm oraret dhe detyrimet, por edhe mënyrën se si energjia shpërndahet mes punës, pushimit dhe rritjes shpirtërore. Kjo Hënë e Plotë ndihmon në ndërtimin e zakoneve që ushqejnë mirëqenien emocionale pa dramat e zakonshme.