Kris Jenner mund t’i nënshtrohet një tjetër “transformimi” fizik.
Një burim i afërt ka zbuluar se ylli i “The Kardashians”, 69-vjeç, po mendon të bëjë sërish ndërhyrje plastike.
"Kris nuk ka kërkuar kurrë falje për dashurinë që ka ndaj operacioneve plastike, në botën e saj kjo është krejtësisht normale dhe askush nuk e gjykon, sidomos kur rezultatet janë kaq të mira.
Ajo e quan doktorin e saj një magjistar të vërtetë dhe po mburret se i ka hequr 25 vite jetë nga fytyra," – tha burimi.
Pas këtij ndryshimi, Kris thuhet se po shqyrton edhe një sërë procedurash të tjera si: tërheqje të lëkurës, pak liposucion (procedurë kirurgjikale estetike që përdoret për të hequr dhjamin e tepërt nga pjesë të caktuara të trupit) dhe një ndërhyrje në gjoks, të gjitha për të ruajtur pamjen rinore.
"Kris nuk ka ndërmend të ndalet, filozofia e saj është se nëse ndihesh mirë, pse të mos dukesh po aq mirë?" – tha burimi.
"Ajo ka mundësitë financiare për të pasur më të mirën në fushën e kirurgjisë estetike dhe nuk ka asnjë problem të shpenzojë, sidomos nëse kjo do ta bëjë të ndihet mirë me veten kur shikohet në pasqyrë."
Gjatë një vizite në Paris në fillim të vitit, për shkak të gjyqit të grabitjes ndaj Kim Kardashian, Kris Jenner u shfaq me një pamje dukshëm të transformuar.
Megjithëse vetë Kris nuk ka konfirmuar çfarë ndërhyrjesh ka bërë këtë vit, kirurgu plastik me qendër në Beverly Hills, Dr. John Diaz, ka një teori mbi bazën e fotografive “para dhe pas”.
"Nuk mund të themi me siguri çfarë ka bërë, por bazuar në pamjet e publikuara, duket se ka kryer tërheqje të lëkurës së fytyrës dhe qafës," – shpjegoi ai për OK!.
Ai gjithashtu mendon se Kris ka bërë një blefaroplastikë (heqja e qeseve poshtë syve) dhe ngritje të vetullave.
