Është thuajse e pamundur të mos e keni hasur në rrjete sociale ndryshimin drastik të Kris Jenner. Edhe nëse nuk e ndiqni këtë të fundit në rrjetet e saj sociale, fotot e saj janë shpërndarë gjerësisht, ndaj s'mund të mos e keni vërejtur "transformimin" që ka pësuar.
Kris Jenner, 69 vjeç, u shfaq me një pamje të rifreskuar, ku dukshëm i është nënshtruar disa ndërhyrjeve estetike, të cilat duhet pranuar se ishin kryer në mënyrën më të mirë të mundshme.
View this post on Instagram
Sapo panë këtë ndryshim, njerëzit kërkuan të dinë se kush është kirurgu estetik që ka bërë një punë aq të mirë, ndaj kemi lajme të mira:
Sipas Page Six, Jenner ka konfirmuar se i është drejtuar kirurgut të njohur estetik Dr. Steven M. Levine, i njohur ndryshe si “mjeshtri i tërheqjes së lëkurës”, për të arritur këtë pamje kaq rinore.
Nuk dihet saktësisht se çfarë procedure ka kryer menaxherja e familjes Kardashian, por faqja zyrtare e doktorit me bazë në New York Jork thekson se ai është i specializuar në “përmirësime natyrale të fytyrës, gjoksit dhe trupit”.
Dr. Levine konsiderohet si një nga profesionistët më të rinj dhe më të spikatur në fushën e kirurgjisë estetike. Madje, Kris Jenner nuk është e vetmja, pasi shumë personazhe të tjerë të famshëm i janë drejtuar këtij estetisti për të përmirësuar pamjen e tyre. Mediat shkruajnë se ndër pacientët e tij përfshihen aktorë, supermodele dhe figura të tjera të njohura.
Ekspertiza e Dr. Levine përfshin një gamë të gjerë ndërhyrjesh, duke filluar nga tërheqja e lëkurës së fytyrës, rinoplastika, trajtimi estetik i qepallave (blefaroplastika e sipërme dhe e poshtme), konturimi i trupit, deri te zmadhimi dhe zvogëlimi i gjoksit.
Kemi edhe një lajm të keq:
Çmimi për një ndërhyrje në fytyrë tek Levine mund të fillojë nga 45,000 dollarë e më lart.
Artikuj të sugjeruar:
