Thuhet se princi William, ende shumë i nxehur me të vëllain, princin Harry dhe Meghan Markle, mund t’ua heqë atyre titujt “Shkëlqesia e Tij/Saj” sapo të marrë fronin që do të trashëgojë nga i ati, mbreti Charles III.
“Charles mund ta durojë atë që bënë Meghan dhe Harry, por jo William,” i tha një burim anonim nga familja mbretërore gazetës “Daily Beast”, duke iu referuar përdorimit që Markle i bën titullit “Shkëlqesia e Saj”, sidomos për çështje marketingu në markat e saj.
“Ai e urren dhe e përçmon Harry-n dhe Meghan-in me çdo qelizë dhe beson se ata kanë tradhtuar familjen dhe çdo vlerë ku ajo beson. Ideja që po përdorin statuset e tyre mbretërorë si një kartë prezantuese e tërbon princin William”, u shpreh personi anonim.
Burimi pretendon gjithashtu se Markle ka shkelur një marrëveshje me mbretëreshën e ndjerë Elizabeth II, duke përdorur titullin mbretëror për të promovuar markën e saj “As Ever”. Përballë Jamier Kern Lima, në podkastin e saj, Markle ka folur për një salcë me luleshtrydhe të bërë në shtëpi, duke treguar se dërgon shënime që shoqërojnë shportën. Në këto shënime shkruhet: “Me përzemërsi nga Shkëlqesia e Saj, Dukesha e Sussex-it”.
Një tjetër burim, mik i William, u shpreh se Meghan po përfiton nga dobësia e Charles.
“Charles e ka humbur plotësisht kontrollin,” tha burimi, duke shtuar se është “e qartë” që Duka dhe Dukesha e Sussex-it kanë “si qëllim ta bëjnë të vuajë për vitet që i kanë mbetur. Përdorimi i titujve nga Meghan tregon sa i dobët dhe i pafuqishëm është ai”, theksoi ai.
Harry dhe Meghan u larguan nga rolet e tyre si anëtarë të lartë të familjes mbretërore për t’u shpërngulur në Kaliforni në vitin 2020. Që atëherë, Duka dhe Dukesha e Sussex-it janë bërë prindër të Archie, 5 vjeç, dhe Lilibet, 3 vjeç.
Markle, 43 vjeçe, lançoi serialin e saj në Netflix “With Love, Meghan” në mars dhe prezantoi zyrtarisht markën e saj “As Ever”, më 2 prill. Produktet në shitje përfshijnë përhapje me mjedra, çaj me limon dhe xhenxhefil etj.
Artikuj të sugjeruar:
