Një nga shitësit më të suksesshëm të butikut "Tom Ford" në Miami pretendon se shefja e tij i ofronte një grupi të përzgjedhur klientësh VIP favore seksuale në dhomat e provës, fotografi sipas kërkesës të pjesëve të saj intime, madje ofronte edhe marrëdhënie seksuale treshe me punonjës të tjerë, kjo kur shihte që klientët shfaqnin interes ndaj dyqaneve të tjera konkurrente.
Ai paraqiti një ankesë pranë Komisionit Federal për Mundësi të Barabarta në Punësim (EEOC), duke pretenduar se edhe pse ai ishte ankuar te kompania ku punonte, askush nuk kishte reaguar.
Sipas ankesës, së siguruar nga Page Six, punonjësi pretendon se rreth vitit 2020, menaxherja filloi t’i tregonte atij për aventurat e saj dhe i besoi marrëdhëniet me disa klientë shumë të pasur, përfshirë një regjisor të pasur filmi, i përmendur në dokument si z. B.
Ai tha se ajo më pas filloi ta përfshinte në marrëdhëniet e saj, duke i kërkuar të “ruante derën” ndërsa ajo ishte me "klientin" në dhomën e provës, madje i kërkonte të shpërqëndronte gruan e tij duke i treguar disa produkte grimi në dyqan.
Sipas tij, e vetmja arsye pse po e pranonte këtë situatë ishte sepse nuk dëshironte të humbiste pozicionin e punës.
Ai u shpreh se më vonë menaxherja u shqetësua kur një tjetër biznesmen i fuqishëm po fillonte të humbiste interesin për markën.
“Një ditë, kur isha në dyqan, (menaxherja) më tha se ai dëshironte të kryente marrëdhënie seksuale treshe me mua,” pretendon ai në dokumente, duke shtuar se mbajtja e atij klienti varej prej përgjigjes së tij.
Në tetor, punonjësi ngriti një ankesë kundër "Tom Ford Fashion", duke pretenduar se e raportoi sjelljen e menaxheres, por kompania fillimisht “nuk bëri asgjë për muaj të tërë”, më pas u hakmor ndaj tij dhe në fund e pushoi nga puna menaxheren.
Përmes një deklarate, një prej përfaqësuesve të "Tom Ford Fashion" i mohoi akuzat.
