Mos ndoshta Luizi zbuloi se kur do të publikohet filmi me Kiarën?

Kiara & Luizi/ Instagram

Mblidhuni njerëz! Mund të kemi një datë për filmin e ri të Luizit dhe Kiarës! Luizi, përmes një postimi në Instagram, ndezi xixat ndoshta për publikimin e filmit.

“Në shkurt (të vitit) 2026! Lajmet do të bëhen film dhe filmi do të bëhet lajm”, u shpreh ai.

Disa mua më parë, Kiara, e ftuar në “Ndryshe” përballë Salsano Rrapit dhe Elona Duros, u shpreh se së shpejti do të vijë me një film me Luizin.

“Jemi duke u organizuar për të bërë një film bashkë, është hera e parë që e them. Ai e ka thënë pak edhe në Instastory, megjithatë nuk kishte asgjë konkrete”, rrëfeu ajo.

Më tej, Kiara tregoi se janë në fillim të projektit, pasi filmi do kohë të publikohet:

“Tani është momenti që ne jemi në fillimet tona, sepse filmi normalisht që do shumë kohë që të dalë, por ky është një projekt që ne kemi dëshirë që ta bëjmë sa më shpejt. Në vazhdimësi do t’i mbledhim të gjitha detajet”.

Moderatorja tregoi pak nga subjekti i filmit, i cili ka brenda edhe romancë:

“Sigurisht që do të ketë edhe dashuri brenda, ku do shkojmë ne të dy pa transmetuar pak dashuri.”- tha ajo e buzëqeshur.

E po, mbase në shkurt të vitit tjetër do e shohim çiftin si aktorë.