Shemsi Krasniqi, i njohur për publikun si Shemi i grupit “Ilirët”, është ndarë nga jeta në moshën 64-vjeçare.
Sipas informacioneve të bëra publike, Shemsi Krasniqi është gjetur pa shenja jete në banesën e tij në lagjen Dragodan, Prishtinë, rreth mesnatës. Dyshohet se shkak i ndarjes nga jeta ka qenë një sulm në zemër, megjithatë familja ka zgjedhur ta përjetojë këtë humbje në privatësi.
Krasniqi do të mbetet përherë një emër i veçantë në kujtesën kolektive të shqiptarëve, si zëri i këngës së njohur “Xhamadani vija vija”; një këngë që tejkaloi kufijtë e kohës dhe zhanrit, duke u shndërruar në simbol krenarie, bashkimi dhe identiteti kombëtar.
Shemsi Krasniqi ishte vokalisti i grupit “Ilirët”, grup i formuar në vitet '80 dhe i njohur për interpretimin dhe promovimin e këngëve me tematikë kombëtare.
Ngushëllime familjes, miqve dhe kolegëve të tij!
