Foto: Luiz Ejlli, Anaid Kaloti/ Top Channel/ Instagram

Luiz Ejlli bëri ditën e djeshme hapjen e "Fan Club Big Brother VIP" duke prezantuar Kiarën. Ndër të tjera, ai u shpreh se Kiara "është një vajzë që janë munduar ta lënë në hije, por hija s'e mbulon dritën, ajo është drita e diellit".

Kjo e ka shtyrë Anaid Kalotin të bëjë një deklaratë në Instagram, ku kritikon Luizin për fjalët e lartpërmendura, kjo sepse, Kiara është çdo gjë tjetër përveçse e lënë në hije në Top Channel!

"Lufta me produksionin ka mbaruar dhe, për më tepër, Kiara është gjallë dhe në ekranin më të fortë shqiptar. Top Channel nuk është armik i popullit dhe i partisë dhe, për më tepër, Kiarën s’e ka lënë njeri në hije. Ne burrat gjithmonë prishim punë, kur gjoja zotohemi të mbrojmë gratë nga e padrejta! Sidomos ato të suksesshmet," shkroi Anaidi në një story në Instagramin e tij.

Dhe për këtë, s'kishte si të mungonte një reagim nga ana e Luizit, që më shumë se ndonjë kundërpërgjigje, qoftë edhe për "sulmin" e Anaidit, dha një replikë të ngarkuar dhe fodulle, të cilën mund ta shihni më poshtë, meqë s'mund të shkruhet.