Një pjesë kyçe e infrastrukturës së internetit, zakonisht e fshehur, pësoi një ndërprerje globale gjatë ditës së sotme (18 nëntor 2025), duke shkaktuar shfaqjen e mesazheve të gabimit në faqet e internetit. Cloudflare, një kompani amerikane, e cila ofron shërbime për mbrojtjen e miliona faqeve nga sulmet, përjetoi një problem, çka bëri që përdoruesit e internetit të mos mund të hynin në disa nga faqet e klientëve të saj.
Disa pronarë faqesh nuk mund të hynin në panelin e performancës së tyre. Faqe të ndryshme, përfshirë X dhe OpenAI përjetuan ndërprerje në të njëjtën kohë me problemet e Cloudflare, sipas Downdetector.
Ndërprerja vazhdoi për disa orë, porn ë orën 12:21, kompania njoftoi:
“Po shohim që shërbimet po rikuperohen, por klientët mund të vazhdojnë të vërejnë norma gabimesh më të larta se normalja ndërsa vazhdojmë përpjekjet për riparim.”
Një mesazh tjetër tha: “Përditësim: po vazhdojmë të hetojmë për këtë problem.”
Një zëdhënës i Cloudflare u shpreh:
“Pamë një rritje të trafikut të pazakontë në një nga shërbimet e Cloudflare duke filluar nga ora 11:20. Kjo shkaktoi që disa pjesë të trafikut që kalonin përmes rrjetit të Cloudflare të përjetonin gabime. Ndërsa shumica e trafikut për shumicën e shërbimeve vazhdoi normalisht, pati gabime të tjera në disa shërbime të Cloudflare”.
Më tej, shtoi:
“Nuk e dimë ende shkakun e rritjes së trafikut të pazakontë. Jemi të gjithë duke punuar për t’u siguruar që të gjithë trafiku të shërbehet pa gabime. Pas kësaj, do t’i përqendrojmë përpjekjet për të hetuar shkakun e rritjes së pazakontë të trafikut.”
Inxhinierët e Cloudflare kishin planifikuar të kryenin mirëmbajtje të martën në qendrat e të dhënave në Tahiti, Los Angeles, Atlanta dhe Santiago, por nuk është e qartë nëse aktivitetet e tyre lidhen me ndërprerjen.
Ndërsa përpiqej të rregullonte problemin, kompania çaktivizoi një shërbim enkriptimi të quajtur Warp në Londër dhe tha: “Përdoruesit në Londër që përpiqen të hyjnë në internet përmes Ëarp do të hasin me dështim në lidhje.”
Problemet në Cloudflare vijnë pak më pak se një muaj pas një ndërprerjeje të Amazon Web Services, e cila rrëzoi mijëra faqe.
“Po shohim sa të pakta janë këto kompani në infrastrukturën e internetit, kështu që kur njëra prej tyre dështon, bëhet e dukshme, shumë shpejt,” tha Woodward.
Ndërsa shkaku mbetet i paqartë, Woodward tha se ishte e pamundur të ishte një sulm kibernetik, pasi një shërbim kaq i madh ka pak gjasa të ketë një pikë të vetme dështimi.
