Drama në familjen Beckham vazhdon. Sipas asaj çfarë raportohet, arsyeja pse Brooklyn i bëri bllok nënës së tij në Instagram është sepse ajo i bëri “like” një prej postimeve të tij.
Sipas US Sun, ish-anëtarja e Spice Girls kishte pëlqyer një postim të Brooklyn-it, ku ai fliste për përgatitjen e një pule të pjekur, duke shpjeguar se si marinimi me birrë i shton më shumë shije mishit.
Mund të tingëllojë e çuditshme, por ky veprim i Victoria-s bëri që shumë prej ndjekësve t'i kërkonin Brooklyn të pajtohej me familjen e tij.
Megjithatë, acarimi nuk mbaroi vetëm me bllokun që bëri ndaj saj. Radha u erdhi anëtarëve të tjerë të familjes, ndaj të cilëve hakmarrja ishte e njëjtë.
Një burim për "US Sun" tregoi se David dhe Victoria janë “të thyer emocionalisht” nga ajo që ka ndodhur.
“Kjo ishte e papritur për ta, sidomos tani para Krishtlindjeve, kur familjet zakonisht bashkohen. Është shkatërruese!”
Sipas të njëjtit burim, të dy ata duan vetëm që marrëdhëniet të rregullohen, por me kalimin e javëve situata duket se po përkeqësohet.
Ndryshe nga prindërit e tyre, vëllezërit Cruz dhe Romeo raportohet se janë shumë të zemëruar që Brooklyn e bëri këtë konflikt kaq publik.
Burimi shtoi se Brooklyn dëshironte që problemet familjare të zgjidheshin privatisht dhe jo në rrjetet sociale, megjithëse veprimet e tij nuk e kanë reflektuar këtë dëshirë.
Fokusi kryesor i tij është Nicola dhe marrëdhënia e tyre. Sa i takon pjesës tjetër të familjes Beckham, ky veprim tregoi edhe një herë se bashkimi me ta qëndron shumë larg.
Për më shumë informacion mbi dramën e familjes klikoni artikujt e mëposhtëm.
-
-
Victoria dhe David Beckham nuk ndjekin më në Instagram djalin e tyre o.O
21 Dhjetor, 12:41 -
-
-
