Foto: "Love and other drugs" (2010)

Pyetja miliona dollarëshe: pse djemtë e mirë zhduken gjithmonë? Mund të mos ketë të bëjë as me universin, as me fatin, por me disa sjellje të vogla që duken të pafajshme, por realisht janë “deal-breakers”.

Shumë gra ankohen për flamujt e kuq te burrat, por edhe ata kanë listën e tyre. Dhe po, shpesh është më e zakonshme nga ç’mund ta mendosh. Ja 10 sjelljet më tipike që sipas burrave i bëjnë ata të largohen:

1. Të shtiresh sikur s’je e zgjuar

Nëse mendon se të qenit “e lezetshme, por jo shumë e mençur” është seksi, je totalisht gabim. Burrat e shëndetshëm emocionalisht duan një grua që shkëlqen me inteligjencë dhe vetëbesim.

2. Arroganca

Vetëbesimi = seksi. Arroganca = ik nga unë. Askush nuk e do një partnere që mendon se është më lart se gjithë të tjerët.

3. Shtirja

Që nga “më pëlqen futbolli” kur në fakt s’e duron dot, deri te të qeshurit kot me shakatë e tij. Burrat e sigurt e dallojnë kur nuk je autentike.

4. Drama pa fund

E di atë energjinë “po bëj një telenovelë nga asgjëja”? Burrat e durojnë vetëm deri në një pikë. Pastaj… zhduken.

5. Ankesat e pafundme

Nga ushqimi, te shërbimi, tek ish-i, tek trafiku. Duket sikur nuk të bën për vete asgjë. Burrat e mirë lodhen shpejt nga kjo energji.

6. Të harrosh anën "përkujdesëse"

Shumë vajza futen në rol konkurrence me partnerin. Por kujdes: të kujdesesh, të dëgjosh, të jesh mbështetëse, nuk është dobësi, është superfuqi.

7. Higjiena e dobët

Këtu s’ka vend për filozofi. Kujdesi për veten është minimalja.

8. Telefoni mbi gjithçka

Nëse story yt i ri ka më shumë prioritet se ai që ke përballë, atëherë mos prit që të rrijë gjatë.

9. Egoizmi

Një marrëdhënie është dy persona, jo një monolog për jetën tënde. Nëse s’lë hapësirë për tjetrin, bëhet bezdi.

10. Vendimmarrja zero

Një burrë nuk do të jetë “Google Maps”-i yt i përjetshëm. Vendos vetë, tregohu e qartë, sepse pavendosmëria konstante lodh.