Familja Abazi duket se ka diçka të veçantë në ADN, duke qenë se të tre fëmijët dallohen për pamjen e tyre fizike.

I pari që është prezantuar me publikun është këngëtari i preferuar i shumë vajzave dhe djemve, Dren Abazi. Jo vetëm me një stil të veçantë në të kënduar, por edhe mjaft simpatik. Ai është kthyer në një seks simbol të djemve të ekranit. Shumë i ngjashëm me të është dhe vëllai tjetër, Arti, i cili nuk gëzon ende popullaritetin e Drenit, por ndan të njëjtin pasion me të.

Ndërkohë, që vajza e familjes, Rina, është tërësisht diçka tjetër. Ajo ka njëkohësisht dhe ëmbëlsi dhe thjeshtësi në pamjen e saj. Një gjë e tillë është identifikuar dhe nga kompani të ndryshme, për të cilat Rina ka qenë imazh. Megjithatë, pavarësisht fushatave të ndryshme të modelingut, ajo duket se nuk preferon të identifikohet si modele.