Justin Bieber dhe Hailey Baldwin janë zyrtarisht të fejuar, gati për të kaluar në një tjetër fazë të marrëdhënies. Si në çdo ngjarje tjetër të ngjashme, jemi kuriozë për 2 detaje: Si dhe me ç’unazë i propozoi?

Këngëtari 24-vjeçar dhe modelja 21-vjeçare po shijonin disa ditë bashkë në Bahamas, ku dhe sipas burimeve të ndryshme ndodhi propozimi i madh. Ai u ul në gjunjë përpara turmës në Baker’s Bay, një gji i vogël në ishullin Great Guana Cay në Bahamas.

“Propozimi ishte një moment shumë i lumtur për të dy. Fytyra e tij dukej në siklet, por arrihej të kuptohej sa shumë të dashuruar janë. Justin është më i lumtur se kurrë me Hailey-n. Të gjithë janë shumë të lumtur për të”, u shpreh një burim për E! Online.

Modelja dhe vajza e aktorit Stephen Baldwin, mbante në dorë një unazë, e cila edhe pse nuk duket qartë, është lehtësisht e perceptueshme si duket nga afër.