Ditën e djeshme, aktori francez Vincent Cassel, 51 dhe modelja 21- vjeçare Tina Kunakey kurorëzuan dashurinë e tyre në një ceremoni intime në Francë, 800 km larg Parisit.

Nusja preferoi të ishte sa më e thjeshtë veshur me një fustan bust, grim dhe kaçurrela natyrale. Aktori nga ana tjetër mbante veshur një kostum ngjyrë kremi lino dhe këmishë rozë të hapur.

Cassel dhe Kunakey janë bashkë që prej 2016- ës. Së fundmi, në një intervistë për New York Times, Cassel u shpreh:

“Jam shumë i dashuruar me të dhe sigurisht që do të bëjmë fëmijë bashkë.”

Momentalisht aktori francez është baba i dy vajzave, Deva 13 dhe Leonie 8 nga martesa me aktoren italiane Monica Bellucci. Dyshja u martua në 1993- in për t’i dhënë fund marrëdhënies në 2013- ën.