Në një puntatë ndryshe nga të tjerat, episodi i sotëm i “Hostel by Anabel” përmblodhi një grusht momentesh në prapaskenë, bashkëngjitur me përjetimet personale të protagonistëve. Fillimisht, producentja ekzekutive Dalina Buzi zbuloi se nga rrjedhoi dhe si erdhi emërtimi “Hostel”.

Propozimi u bë krejt rastësisht nga regjisori Endri Delisula dhe Buzi e miratoi menjëherë.

“E përktheva në një vend ku përpos vajzave do të ishin edhe njerëz të tjerë, që hynin, dilnin dhe tregonin eksperiencat e tyre.”

Duke u ndalur në rubrikën “Me Provë”, saktësisht në TOP 10 e videove, vajzat treguan diçka më shumë rreth asaj që ndodhi jashtë shkëlqimit të kamerave.

#10 Taksia

"Skena ishte eksperiment, mora një taksi dola në rrugë. Me vajzat ka qenë më e vështirë, për shkak të kamerave." rrëfeu Megi Pojani.

#9 Dasma

Doni të dini më shumë? Ja ç'tha secila prej tyre:

Alberta Kamenica: "Kalonim rrugicë pas rrugice dhe pyesnim kjo është dasma e filanes?"

Viola Gjoleka: "Në dasmë më hahej bukë po vdisja. Thërrita të zotin e shtëpisë dhe i thashë të lutem do më japësh pak bukë?" 

Megi Pojani: "Isha pak e hapur [fustani], nusja më tha mbulohu."

Dea Mishel Hoxha: "Ne vajzave te Hostel- it na ndizet gjaku kur dëgjojmë muzikë [arsye pse vajzat s'ndaluan së kërcyeri]."

Ana Haxhimali: "Kisha detyrën e  hedhjes së lekëve, bera gabimin e madh që tejkalova kuotën. Në fund, bëj bilancin e lekëve që kisha hedhur, duhet t’u ktheja lekët njerëzve."

#8 Shitja në rrugë

Përpos faktit që Megi nuk priste ta njihni dhe prisnin aq ngrohtë në Vorë, Viola u ndje disi në siklet me shitjen e bananes, ishte Dea ajo që mbeti e habitur teksa tentoi të shiste në tregun e rrobave të përdorura:

"Nuk e mendoja qe do mësoja aq shumë për biznesin prej tyre, ata njerëz që s'kanë as shkollë  dinë të shesin aq mirë."

#7 Mali me Gropa

ç'kujtojnë vajzat? Vështirësitë në të fjetur dhe temeperaturat e ulëta. Dea?

"Menstruacione, në mes të asgjësë"

#6 South Outdoor Festival

Megi e kujtoi hiking- un (ngjitjen në Gjipe) si një eksperiencë shumë sfiduese.

"Kisha frikë"

#5 Ushtria

"Isha shumë semurë para se te niseshim, isha e fikur gati për të rënë përtokë" rrëfeu Alberta.

#4 Boksi

"Kam lëvizur çdo muskul, muskul që nuk e dija se ekzistonin, skena  e vrapit e tmerrshme,isha me 38 e gjysmë."

#3 Karaburuni

Alberta ia doli të largonte frikën e të notuarit e ndërsa Dea e shtyu natën nën tingujt e gërhitjes së regjisorit.

#2 Shtëpia horror

Sipas Violës, që pas "Hostelit" tufa nxënësish kanë nisur të shkojnë te e njëjta shtëpi dhe të gjurmojnë shpirtin e Manjoloës.

#1 Mirditë

Dea zbuloi se nuk dinte të bënte kafe e ndërsa Viola, si sqimatare që thotë se është, mezi shtyu natën.