Në Class Fashion Show, të organizuar nga Alketa Vejsiu në bashkëpunim me Valdrin Sahitin, Nora Istrefi shkëlqeu (dhe theu kodin e veshjes) me një fustan të shkurtër me jakë V.

Fustani nga Zara, i cili kushton afro 6,000 lekë ( 49.95 euro), ka mëngë në material tyl dhe fruda jo të theksuara në pjesën e poshtme. Në të gjithë gjatësinë, copa me printe trëndafili vjen me rrudha të vogla që theksojnë belin.

Nora Istrefi e shoqëroi fustanin me një palë këpucë të kuqe nga po e njëjta markë (7,000 lekë).

Shënim: Të gjitha çmimet janë vendosur në lekë në vlera të përafërta, referuar kursit të këmbimit, 19 tetor.

Përsa i përket aksesorëve, Nora zgjodhi vathët e kristaltë në formë zemre nga Alessanda Rich me vlerë afro 50,000 lekë dhe çantën Mini Lady Dior, 370,000 lekë.