Ricky Martin është tashmë baba për herë të katërt.
Ai dhe bashkëshorti Jwan Yosef bënë publik lajmin përmes një fotoje në Instagram, ku shfaqen duke mbajtur në krahë djalin e porsalindur. “Djali ynë Renn Martin-Yosef lindi,” shkroi Ricky Martin.
Bashkë që prej prillit të 2016-s, Martin dhe Yosef janë gjithashtu prindër të binjakëve, Valentino dhe Matteo, dhe vajzës Lucia.
Këngëtari njoftoi se do të bëhej sërish prind gjatë Human Rights Campaign National Dinner, ku u nderua për punën e tij mbi të drejtat e LGBTQ.
Binjakët e çiftit erdhën në jetë përmes një nëne surrogate dhe sipas një interviste që dha në 2017-n, kishin në plan t'i bënin po njësoj edhe fëmijët e tjerë.
