Sherri virtual mes Julian Dedës dhe Mira Kazhanit, jo vetëm që nuk u la me aq, por duket se degjeneroi edhe më.

Së fundmi, aktori i humorit postoi një status në Facebook ku shkruan: 

"Kaq e dështuar je sa çdo kritikë që shkruhet në Facebook, edhe kur nuk të përmendet emri e kupton se bëhet fjalë për ty."

Këtij statusi, Kazhani iu përgjigj përmes një Instastory kështu:

"Ja dhe një lajm i mirë nga Juli. Reflekton kur i thua se as gruaja e tij s'ka burrë!"

Deri tani, jemi ende tek "kunjat" dhe ironitë, por postimi i fundit i Dedës e çoi debatin drejt degradimit.

Pak më parë, në Instastory-n e tij postoi këtë foto, në krye të së cilës shkruan:

"O vajzë, pasi familjes sime t'i hash atë që nuk thuhet, gjej një burrë për vete se të qetëson..."

Pra, aktori i humorit vijon t'i mëshojë "mungesës së burrit" duke menduar se është sulmi i duhur, për të ulur figurën e gazetares. Gjithsesi, 85% e njerëzve të përfshirë në sondazhin e bërë në Anabel.al, pasi ndoqën debatin, menduan se është  "goditje e ulët" nga ana e tij fakti që përmend dhe kapet me beqarinë e dikujt.

Përplasja mes Kazhanit dhe Dedës nisi pas publikimit të një artikulli të publikuar në Tirana Post, ku gazetarja trajtoi protestën e Astiriti si një kauzë e cila dështoi.