Energjia mes Bes Kallakut dhe Rezart Veleshnjës gjatë “Shiko kush luan” ishte minimumi kaotike. Dyshja u ngacmua disa herë, ku më e rëndësishmja ishte ajo në lidhje me filmin e Ermal Mamaqit, “Dy gisht mjaltë.” Në një fragment tjetër, ku Besi shtiret si politikan në fushatë, ai i premton elektoratit që në asnjë shtëpi s’do të ketë çorape të grisura si ato që i pa Rezit qëparë.

Në transmetim, Rezi i përgjigjet që s’janë të grisura, por me vrima. I tillë është modeli. Teksa Besi vijon me fjalimin e tij, Rezi lufton me këpucën dhe insiston të vërtetojë se çorapet janë me vrima dhe jo të grisura.

Në një postim të Ermal Mamaqit ku ai flet për konfliktin me Bes Kallakun, Veleshnja la komentin e mëposhtëm.

“Gjithsecili ka konceptin dhe arsyetimin e vet. Mesa duket, Besit s’i ka ecur filmi mirë dhe ka filluar të merret me njerëzit. Megjithatë unë kam hallin tim. O Bes, ku m’i pe çorapet e grisura, jam kurioz? Mesa duket të paska marrë malli për fëmijërinë.”

Anabel nuk arriti të gjejë komentin në postim. Fotoja është ruajtur nga Xing.al.