Që kur u shfaq në festën e ditëlindjes së Drake goxha më e dobët nga ç’e kishim njohur, gjithë bota u fiksua pas transformimit të Adele. Këngëtarja është dobësuar shumë, thuajse 30 kg më pak, dhe një ndryshim i tillë i jashtëzakonshëm na bëri kuriozë për mënyrën.
Trajnerja e Adele, Camila Goodis që specializohet në Pilates, foli për US Weekly mbi regjimin që mbajti këngëtarja dhe rrugëtimin e tyre bashkë.
“Adele u trajnua me mua dhe më e bukura ëshë se s’ia kisha idenë që ishte Adele. Sa kishte lindur asokohe, ushtroheshim ngadalë dhe nga pak. Pilates ishte perfekte për të,” tha Goodis.
Sidoqoftë, Goodis e ndihmoi Adele thjesht të forconte muskujt e pelvisit pas lindjes dhe nuk mban meritat e transformimit të këngëtares. Goodis beson se ajo ia doli mbanë falë një regjimi strikt ushqimor dhe ushtrimeve fizike të moderuara sepse sipas saj, Adele s’është shumë njeri sportiv. “90% i takon dietës. Mendoj se ajo ndryshoi stilin e jetesës, filloi të hante më mirë dhe të ushtrohej normalisht. Rruga më e mirë drejt dobësimit nuk janë ushtrimet. Është goja. U them gjithmonë klientëve të mi, ‘Mund të ushtrohesh dhjetë orë në ditë, por nëse s’ha mirë, s’ke për të pasur rezultate.’”
Nutricionistja Heather Struhl, shpjegon: “Nëse dikush bie në peshë krejt papritur, do të thotë që ka humbur thjesht peshë uji. Ndërsa Adele ka humbur peshë gradualisht përgjatë disa muajve, që është mënyra më e mirë për t’u dobësuar. Mbipesha është e lidhur me disa sëmundje dhe shpeshherë rekomandohet nga mjekët për të parandaluar ose trajtuar një të tillë.”
Për 1001 artikujt me tematikë dietat, klikoni më poshtë. Për të bërë sikur s’e dini që dieta mban peshën më të madhe në dobësim, mbyllni tabin.
- Pas ndarjes, Adele hoqi dorë nga lotët dhe filloi të djersijë: Humbet 20 kg!
- Ekspertët shpallin dietën mesdhetare si dietën më të mirë në botë
- Urdhëroni dietën e shëndetshme të Arminës që nuk ngjan fare si dietë
- Dietat që kanë ndjekur VIP-et shqiptare për t’u dobësuar
- Urdhëroni një dietë që ka vetëm 1200 kalori
- Si funksionon dieta e preferuar e Lori Hoxhës
- ‘Peshoja 99 kilogramë’: Beyonce tregon dietën që ndoqi para se të performonte në Coachella
- Letrat tuaja: Dieta, palestra dhe i dashuri që ju duhet për të rënë në peshë