Ndonëse është imazh që prej vitit 2013, Robert Pattinson nuk mban aspak aromë si Dior Homme – livando, qitro, kakao dhe patchouli. Burri më seksi në botë, të paktën sipas shkencës, mban aromë yndyre viçi të përpunuar.

Prisni, mos u habisni sepse ka një shpjegim. Në një intervistë për Allure, aktori tregoi se miqtë i thonë se mban aromë pastelash – lapsa të butë me ngjyra që përdoren për të pikturuar dhe janë të bërë nga dylli, një lloj rrëshire dhe ngjyruesa. Po yndyra e viçit ç’lidhje ka?

Të gjithë lapsat pastel, edhe ato për fëmijë, kanë në përbërje yndyrë viçi të përpunuar, e cila i bën më të qëndrueshëm dhe u jep aromën karakteristike. Mos u ndje keq Robert, pastelat mbajnë aromë të mirë.

Pattinson tregoi se nuk vendos parfum – as Dior Homme – sepse i duket vetja sikur është ngarkuar më shumë seç duhet.