Studentët hanë drekë në një shkollë publike në Randers

Teksa fëmijët danezë me çanta në shpinë dhe prindërit pranë ktheheshin në shkollë, gjendja dukej normale. Dukej ama.

Jimmy Skov Glasdam Adetunji, kreu i arsimit të mesëm në Hendriksholm School në Rodovre, në dalje të Kopenhagenit, e shpenzoi të mërkurën duke inspektuar çdo klasë për t’u siguruar se të 440 studentët të ishin të paktën dy metra larg njëri-tjetrit.

Ai e ndau oborrin e shkollës në gjashtë seksione me shirita të kuq dhe të bardhë dhe u dërgoi prindërve një diagramë të detajuar që shpjegonet oraret e mbërritjes, rrugët, pushimet dhe drekat.

“Mezi pres që fëmijët të kthehen në shkollë,” tha Adetunji. “Por është e nevojshme të flasim për pandeminë, rregullat dhe oborrin e ndarë me shirit policie. Do të jetë një kontrast mes argëtimit dhe seriozitetit.”

Një orë muzike në oborrin e një shkolle fillore

Këtë javë, shkollat në gjithë Danimarkën ngritën flamurë për të festuar rikthimin e studentëve. Atmosfera ishte e ngjashme me atë të ditës së parë të vitit shkollor. Dhe është dita e parë e shkollës pas një muaji izolim nxitur nga pandemia. Danimarka ishte një nga shtetet e para europiane që mbylli kufijtë, dyqanet, shkollat dhe restorantet dhe që ndaloi grumbullimet masive. Tani, është një nga shtetet e para që po i rikthehet gradualisht normalitetit.

Dita ditës, në spitale paraqiten më pak të sëmurë. Gjatë marsit, u shtruan më shumë se 500 persona me koronavirus, por në mes të prillit, numri ra në 353 – në dallim nga shtetet e tjera që patën shtim të të infektuarve.

Deri më sot, sipas agjencisë së sëmundjeve infektive të Danimarkës, 321 njerëz kanë humbur jetën.

Fëmijët presin në rradhë larg njëri-tjetrit për të hyrë në shkollë

Hapja graduale e Danimarkës u njoftua nga kryeministrja Mette Frederiksen pak ditë më parë. Studentët deri në 12-vjeç janë pjesë e fazës së parë. Shkollat duhet të sigurojnë higjienën dhe zbatimin e distancimit social për të mbrojtur studentët dhe stafin.

Rregullat e vendosura nga qeveria udhëzojnë ndarjen e studentëve në grupe më të vogla, larjen e duarve çdo dy orë. Sipërfaqet si lavamanët, tualetet, bravat e dyerve duhen dizinfektuar dy herë në ditë.

Gjithashtu, shkollat po bëjnë çmos që studentët të kalojnë sa më shumë kohë jashtë.

Burimi: CNN